Presentáronse os sete novos deseños dos percorridos de todas as carreiras que compoñen a final das World Series de Tríatlon, que se celebrarán en Pontevedra entre os días 20 e 24 de setembro.
Os planos divulgativos, realizados polo infógrafo local Xan Sabarís, recollen os principais datos de cada unha das carreiras, desde a hora de inicio, as voltas que necesitan dar para completar as súas distancias, os lugares das transicións e por suposto os percorridos tanto polo río Lérez como pola avenida de compostela, Campus e contorna da capital, como polo centro histórico, onde terán lugar as carreiras a pé con final no estadio CGTD.
Tamén reflicten as altimetrías, todo iso cunha linguaxe gráfica fácil de ler tanto para deportistas como para o público en xeral, xa que se procurou que estes elementos servisen tamén como estímulo para que a cidadanía participe animando ás e os atletas.
Cada un destes percorridos pode consultarse na web (que ata o de agora contiña planos provisionais). Refírense ás carreiras éltie (Masculinas, femininas e sub23), as de Grupos de Idade (Supersprint, Standard e Aquabike) e as de Paratriatlón e Paratriatlón por substitucións.
